يوم ورا يوم….

يوم ورا يوم….

“يااه الأيام بتجري بسرعة” كلمة بنسمعها كل يوم من أمهات وبتعكس كم كبير من التغيرات اللي بتحصل لأولادهم كل يوم وكل ثانية…

الحقيقة ان أولادنا بيكبروا وبيحصل لهم نمو في كل جانب من جوانب حياتهم، وعلشان كدة ماما لازم تركز مع أولادها وتتابع وتقرأ وتسأل نفسها هل فعلا معدل نمو أولادي سليم؟ ولذلك نبتة صنفت لكل مامي أنواع النمو المختلفة اللي لازم يمر بها كل طفل سليم وهي:

  1. النمو الجسمي:

النوع ده من النمو يعكس الطول والوزن وده طبعًا له جداول موجودة عند دكتور الأطفال اللي ماما بتتابع معاه علشان تتأكد أن معدل نمو الجسم مظبوط.

  • النمو الانفعالي:

لازم كل ماما تلاحظ وتتابع نمو أولادها الانفعالي وهل كل لما الأولاد بيكبروا بيقدروا يسيطروا على انفعالاتهم ولا لا.

  • النمو الاجتماعي:

هل ابني خجول بزيادة؟ كل ماما لازم تسأل نفسها السؤال ده لان النمو الاجتماعي يعني ان ابني يعرف يتواصل ويتعامل مع غيره من الناس اللي حواليه.

  • النمو الحسي:

النوع ده من النمو بيعكس نمو الحواس الخمسة زي البصر واللمس والتذوق والسمع والشم، وعلشان كده لازم ماما تركز مع أولادها وتتابع هل فعلًا ابني بينمو بشكل طبيعي بالنسبة لكل حاسة من الحواس الخمسة ولو شكت ماما في أي وقت من الأوقات ان في مشكلة فلازم طبعًا تستشير الدكتور.

في المقالة دي قدمنا افتتاحية بسيطة عن مراحل نمو طفلك، تبعونا في المقالات القادمة لأننا هنتناول الموضوع ده بتفاصيل اكثر وبجوانب مختلفة ان شاء الله.

إضافة تعليق

الخانات المحددة بعلامة * مهمة

راسلنا علي الواتس آب